Şabranda sel təhlükəsi: 30-a yaxın evin sakini təxliyə olunur

Şabranda sel suları ciddi fəsadlar törədib. Dəvəçi çayına gələn güclü sel suları Şabran şəhəri ərazində evlərin həyətinə, zirzəmisinə və kommersiya obyektlərinə dolub.

“Ulusum”.az xəbər verir ki, rayon icra hakimiyyəti başçısının müavini İlkin Ağayev bildirib ki, sel sularının səviyyəsi getdikcə artdığından hazırda çayın sahilində yerləşən 30-a yaxın evdə yaşayan sakinlər təhlükəsiz əraziyə təxliyə olunurlar.

Əraziyə Şabran rayon Fövqəladə Hallar Komissiyasının, digər əlaqədar qurumların nümayəndələri və texnikalar cəlb olunub. Sel rayonun Xəlifələr kəndində də fəsadlar törədib, ərazidəki körpünü sel aparıb.