Avcılarda Metrobus Qəzası: 21 Yaralı

İstanbulun Avcılar səmtində baş verən metrobus qəzası şəhər sakinlərini narahat edib.

“Ulusum”.az “TRT Haber”ə istinadən xəbər verir ki, metrobus dayanacağında gözləyən nəqliyyat vasitəsinə digər bir metrobusun çırpılması nəticəsində, aralarında 2 uşağın da olduğu 21 nəfər xəsarət alıb.

Hadisə yerinə dərhal təcili tibbi yardım qrupları və polis əməkdaşları cəlb olunub. Qəzanın ardından metrobus xidmətləri müvəqqəti olaraq dayandırılıb, bu da dayanacaqlarda uzun növbələrin və sərnişin sıxlığının yaranmasına səbəb olub.

İstintaq başladılıb, hadisənin başvermə səbəbi araşdırılır.