Arıqlama çayı və qəhvələrində təhlükəli maddə aşkar edilib

Azərbaycanda son dövrlər elektron ticarət vasitəsilə gətirilən "arıqlama çayı və qəhvələri"ndə güclü təsirə malik "sibutramin" maddəsi aşkarlanıb. Bu maddə, beynəlxalq səviyyədə təhlükəli sayılır və bir çox ölkələrdə istifadəsi qadağan olunub. “Ulusum”.az xəbər verir ki, Səhiyyə Nazirliyi və Dövlət Gömrük Komitəsi bu məhsulların ölkəyə qanunsuz şəkildə gətirilməsinin qarşısını almaq üçün ciddi tədbirlər görür. "Sibutramin" maddəsinin istifadəsi ciddi sağlamlıq problemlərinə səbəb ola bilər, o cümlədən baş ağrısı, ürək-damar xəstəlikləri, depressiya, yuxusuzluq və hətta ölüm riski daşıyır.

Qurumlar, vətəndaşlara bu kimi məhsullardan uzaq durmağı, sağlam həyat tərzini və düzgün qidalanmanı seçməyi tövsiyə edir. Həmçinin, onlayn sifariş edərkən diqqətli olmaları vacibdir.