Ukraynanın Sumı vilayətindən uşaqlar Azərbaycana gətirildi

Ukraynanın Sumı vilayətindən olan uşaqlar reabilitasiya və psixoloji bərpa məqsədilə Azərbaycana gəliblər.

Bu barədə Ukraynanın Azərbaycandakı səfiri Yuriy Qusev sosial şəbəkə hesabında məlumat verib.

“Bu proqramı dəstəklədiyi üçün Azərbaycan rəhbərliyinə, xalqına və bütün tərəfdaşlara təşəkkür edirəm”, – deyə səfir qeyd edib.

Qeyd edək ki, bu, Ukraynalı uşaqlar üçün həyata keçirilən bərpa proqramının davamıdır və Azərbaycan bu prosesdə aktiv humanitar tərəfdaş kimi çıxış edir.

Ulusum.az