Kartda nə qədər pul saxlamaq təhlükəsizdir? Ekspertdən cavab

Kartda yalnız gündəlik alış-veriş üçün yetəcək qədər vəsait saxlamaq tövsiyə olunur. Bu barədə “Praym” agentliyinə “Rusiya Sahibkarlar Təşkilatı”nın Moskva bölməsinin Maliyyə bazarları komissiyasının sədri Yeqor Dyaşov danışıb.

O vurğulayıb ki, qalan pullar depozit, investisiya hesabları və ya digər təhlükəsiz yerlərdə saxlanmalıdır.

Ekspertin sözlərinə görə, kartda böyük məbləğ saxlamaq fırıldaqçılıq riski yaradır. Pul, karta fiziki giriş olmadan da oğurlana bilər – məsələn, fişinq, virus proqramları və ya skimming yolu ilə.

Bundan əlavə, Dyaşov qeyd edir ki, kartda böyük məbləğ saxlamaq sərfəli deyil, çünki kredit təşkilatları bu vəsaitlərə faiz ödəmirlər.

Ulusum.az