Şuşa – Qəlbimizin Zirvəsi, Tariximizin İşığı - VİDEO

Şuşa — könüllərin sirdaşı, sazın və sözün beşiyidir.

Burada dağlar buludlarla dərdləşir, çəmənlərdə Xarı bülbülün ətri könüllərə səssiz nəğmələr pıçıldayır. Bülbüllərin nəğməsi bulaqların pıçıltısına qarışıb Qarabağın hər daşına, hər çiçəyinə ruh və həyat bəxş edir.

Səma Şuşa üzərində daha uca, daha aydın, daha nurludur. Natəvanın incə səsi küləklə Şuşanın küçələrini dolaşır, sazın telləri azadlıq nəğməsini torpağa hopdurur. Bu müqəddəs torpaqda hər addım bir tarix, hər nəfəs bir dua, hər baxış bir səcdədir.

Azad Şuşa — şəhidlərimizin mübarək qanı, qazilərimizin yenilməz fədakarlığı və Ali Baş Komandanımızın müdrik iradəsi ilə dirçəlmiş və əbədiyyətə yüksəlmişdir.

Şuşanın dağlarından süzülən o avaz — qürurun, sevginin, sədaqətin və sonsuz ümidin səmasıdır.

Şuşada hər səhər azadlıq nəfəsi, hər axşam səcdə dolu bir minnətdarlıqla qarşılanır.

Bu torpaq artıq sonsuz sevginin, əbədi qürurun ünvanıdır.



✍️"Ulusum".az