Su ehtiyatlarının qorunması üçün maarifləndirici tədbirlər keçirilib

Ekologiya və Təbii Sərvətlər Nazirliyindən bildirilir ki, son vaxtlar respublikanın çaylarında su sərfinin azalması və bu səbəbdən əkin sahələrinin su təminatında yaranan çətinliklərlə bağlı görüş keçirilib.

Quba, Qusar, Xaçmaz, Şabran, Siyəzən və Xızı rayonlarında su ehtiyatlarının qorunması və səmərəli istifadəsi ilə bağlı görüşlər təşkil olunub. Tədbirlərdə dövlət qurumlarının nümayəndələri, yerli icra orqanları və fermerlər iştirak ediblər.

Görüşlər zamanı alternativ su mənbələrinin yaradılması və onlardan istifadənin genişləndirilməsi müzakirə edilib. Əkin sahələrinin suvarılmasında mütərəqqi texnologiyaların tətbiqi vurğulanıb. Sudandan qənaətlə istifadəyə nəzarətin gücləndirilməsi tövsiyə olunub. Tədbirlər regionun su təhlükəsizliyinə və kənd təsərrüfatının davamlı inkişafına dəstək məqsədi daşıyır.


✍️"Ulusum".az