ABŞ-da təhsil alan azərbaycanlı tələbələrdən vətənpərvər addım 👏

Tədbirin təşkilatçısı olan İnsan Hüquqları Mərkəzinin direktor müavini ilə görüşdə tələbələr, tədbirin Azərbaycanı birbaşa soyqırımda günahlandırdığını və bu cür tədbirlərin sülh danışıqlarına zərər verə biləcəyini bildiriblər. Müzakirələr nəticəsində, tədbirin təsviri hissəsindəki “arts**h” ifadəsi -“Artsax” (ermənilər tərəfindən Qarabağa verilən qondarma ad) çıxarılıb və direktor müavini tədbirin qondarma hadisələrin anım gününə aid olmadığını bəyan edib.

Bu, Azərbaycanlı tələbələrin etirazından sonra baş verib, çünki bu söz Azərbaycanın ərazi bütövlüyünə zidd olaraq qəbul olunur və qondarma rejimi tanıtmaq məqsədi daşıyır. Tədbir təşkilatçısı bu ifadənin istifadə olunmasının narahatlıq yaratdığını nəzərə alaraq onu mətnindən çıxarıb.

Nəticədə, film nümayişi ləğv edilib. Tələbələr bu addımı ilə Azərbaycanın mövqeyini müdafiə edərək, təhsil aldıqları beynəlxalq mühitdə ölkələrinin maraqlarını qorumağa çalışıblar.

Gənclərin bu addımı təkcə bir uğur deyil, həm də onların vətənpərvərliyini, savadını və cəmiyyətə töhfə vermək əzmini əks etdirən nümunəvi bir davranışdır.