Baş prokuror Sabunçu rayonunda vətəndaşları qəbul edib

Aprelin 23-də Azərbaycan Respublikasının Baş Prokuroru Kamran Əliyev Sabunçu rayon prokurorluğunun inzibati binasında Bakı şəhəri və digər bölgələrdən olan vətəndaşları qəbul edib.

Qəbul zamanı 116 vətəndaşın müraciətləri dinlənilib və onların ərizə və şikayətlərinin yerində həlli üçün müvafiq göstərişlər verilib.

Ulusum.az xəbər verir ki, qəbuldan sonra Kamran Əliyev prokurorluq əməkdaşlarına vətəndaş müraciətlərinə obyektiv yanaşılması və qəbulların düzgün təşkilini təmin etməklə bağlı tapşırıqlar verib.

O, həmçinin, prokurorluq orqanlarında müasir informasiya-kommunikasiya texnologiyalarının tətbiqini təmin edən “Elektron prokurorluq” informasiya sisteminin fəaliyyəti ilə yerində tanış olub və işin daha da təkmilləşdirilməsi üçün təkliflər dinləyib.