Mədəniyyət Nazirliyində müsahibə mərhələsi başlayır

"Ulusum". az xəbər verir ki, aprelin 21-dən Azərbaycan Respublikasının Mədəniyyət Nazirliyi sistemində olan musiqi, incəsənət, rəssamlıq, muğam, aşıq məktəb və mərkəzlərinə direktor və direktor müavinlərinin işə qəbulu üzrə müsabiqənin müsahibə mərhələsi keçiriləcək.

Müsabiqənin test imtahanı mərhələsində zəruri keçid balını toplamış 42 namizəd müsahibə mərhələsində iştirak üçün “MyCulture” platforması (https://my.culture.az) üzərindən qeydiyyatdan keçib.

Müsahibələrin keçirilmə tarixi və məkanı barədə məlumatlar bütün namizədlərə şəxsi kabinet, elektron poçt və SMS bildiriş vasitəsilə göndərilib.
Müsabiqənin hər iki mərhələsi üzrə minimal bal tələblərinə cavab verən namizədlər ümumilikdə 20 vakansiyadan çox olmamaq şərtilə istəyə uyğun seçim etmək hüququ qazanacaqlar.

Bütün namizədlərə uğurlar arzulayırıq!