Bu şəxslərin də təhsil haqqı xərcləri dövlət hesabına qarşılanacaq

Aprelin 14-də "Təhsil haqqında" və "Peşə təhsili haqqında" qanunlara edilən dəyişikliklə işğaldan azad edilmiş ərazilərdə məskunlaşmış şəxslərin peşə təhsili xərcləri dövlət tərəfindən qarşılanacaq.

Bu, 2025-2026-cı tədris ilindən başlayaraq 2027-2028-ci ilə qədər ödənişli əsaslarla təhsil alanlara şamil olunacaq. Qanun dəyişikliyi həmin ərazilərdə dayanıqlı məşğulluğun təmininə və kadr potensialının formalaşdırılmasına yönəlib.

Məqsəd peşə təhsilinə marağı artırmaq və regionların iqtisadi inkişafına dəstək verməkdir. Dövlət büdcəsindən ayrılacaq vəsaitlə bu təşəbbüs reallaşdırılacaq.

“Təhsil haqqında” və “Peşə təhsili haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikasının Qanunu