Sabah 26-27 dərəcə isti olacaq

Aprelin 6-da Azərbaycanın müxtəlif bölgələrində gözlənilən hava şəraiti ilə bağlı Milli Hidrometeorologiya Xidməti məlumat verib.



Bakıda və Abşeron yarımadasında hava əsasən yağmursuz olacaq, lakin gecə və səhər saatlarında bəzi yerlərdə duman gözlənilir.

Temperatur gecə 9-13° isti, gündüz isə 21-26° arasında olacaq. Külək cənub-qərbdən şimal-qərbə dəyişəcək.

Azərbaycanın rayonlarında isə yağışlı hava şəraiti və şimşək çaxması müşahidə edilə bilər. Yağıntılar intensivləşə bilər, bəzi bölgələrdə dolu düşməsi ehtimalı var.

Yüksək dağlıq ərazilərdə isə sulu qar gözlənilir.

Gündüz yağıntılar tədricən kəsiləcək. Temperatur gecə 9-13° isti, gündüz isə 22-27° arasında dəyişəcək. Dağlarda isə gecə 2-7°, gündüz 12-17° arasında olacaq.

Milli Hidrometeorologiya Xidmətinin məlumatına əsasən, Azərbaycanın rayonlarında aprelin 5-i günün ikinci yarısından 6-sı səhərədək hava şəraitinin qısa müddətə yağıntılı olacağı, şimşək çaxacağı gözlənilir. Ayrı-ayrı yerlərdə yağıntının leysan xarakterli olacağı, dolu düşəcəyi, yüksək dağlıq ərazilərdə isə sulu qara keçəcəyi ehtimal olunur.

Yağıntılı hava şəraiti ilə əlaqədar çaylarda sululuğun artacağı, bəzi dağ çaylarından qısamüddətli sel keçəcəyi ehtimalı var.


#dolu #İsti #sulu qar #temperatur