Yeni Papa kim olacaq? – Kardinal Sturla: Seçim ideologiyaya yox, imana əsaslanmalıdır

Yeni Roma Papasının seçilməsi ideologiyaya əsaslanmamalı və ya təzyiq altında qəbul edilməməlidir. Bunu RİA Novosti-yə müsahibəsində Uruqvaylı kardinal Daniel Sturla deyib. O, özü də katolik kilsəsinin yeni liderinin seçilməsi üçün keçiriləcək konklavda iştirak edəcək.

“Konklavda səsvermə – bu bir iman aktıdır,” – deyə Sturla vurğulayıb.

Kardinalın sözlərinə görə, pontifik olmaq üçün əsas meyar həmin şəxsin vəzifəsinə uyğun olmasıdır və bu, böyük məsuliyyət tələb edir. Yeni Papa yalnız dərin inanca sahib olmamalı, həm də müxtəlif xalqlar və mədəniyyətlərlə dialoq qurma bacarığına malik olmalıdır.

“O, kilsənin birliyinin mərkəzi olmalı, söz deyə biləcək və kilsəni istiqamətləndirəcək şəxs olmalıdır,” – deyə o əlavə edib.

✍️"Ulusum".az