Səssiz etiraz: İsrail XİN Papa Fransiskə aid paylaşımı sildi

İsrail Xarici İşlər Nazirliyinin bütün rəsmi hesablarından Papa Fransiskin vəfatı ilə bağlı başsağlığı paylaşımları silinib.

“Ulusum”.az-ın məlumatina görə, The Jerusalem Post nəşri qeyd edir ki, sosial şəbəkələrdə artıq pontifikə aid fotolu paylaşım yoxdur. Nəşrin yazdığına görə, buna səbəb son zamanlar papa Fransiskin İsrail və Qəzza müharibəsi ilə bağlı verdiyi açıqlamalar ola bilər.

"Ruhun şad olsun, papa Fransisk. Qoy onun xatirəsi əbədi olsun" — deyilirdi həmin paylaşımlarda.

İsrailin Vatikandakı sabiq səfiri Rafael Şüts hesab edir ki, İsrail XİN-in paylaşımı bir səhv olub. O bildirib ki, birinin ölümündən sonra ölkə hesab aparmamalıdır.