ABŞ-dan İranın nüvə proqramına qarşı hərbi çağırış

ABŞ dövlət katibi Marko Rubio və milli təhlükəsizlik üzrə müşavir Mayk Uolts, İranın nüvə proqramına qarşı hərbi əməliyyatın zəruri olduğunu hesab edirlər.

“Ulusum”.az xəbər verir ki, bu barədə The Washington Post məsələ ilə tanış olan mənbələrə istinadla məlumat yayıb.

Məqaləyə görə, ABŞ hökumətindən iki nümayəndə və digər məlumatlı şəxslər bildiriblər ki:

"Uolts və Rubio, İranın nüvə silahı istehsalı potensialını məhv etmək üçün hərbi müdaxilə qərarına gəliblər."

Eyni zamanda, ABŞ prezidenti Donald Tramp da İsraili dəstəkləyən və ifrat sağçı düşüncəli müşavirlərindən buna bənzər tövsiyələr alır.

Bu, regionda gərginliyin daha da artacağına dair ciddi siqnallar verir.