Fox News “səhv” etdi, Kiyev isə susmur: Üzrünüzü gözləyirik!

Ukraynanın Xarici İşlər Nazirliyi ABŞ-ın Fox News telekanalından üzr istəməsini tələb edib. Səbəb – efirdə Kyiv şəhərinin Rusiya ərazisi kimi göstərilməsidir.

XİN nümayəndəsi Georgiy Tıxıy sosial şəbəkədə bildirib:

“Əgər bu, qəsdən edilmiş siyasi bəyanat deyilsə, dərhal üzr istənilməli və bu səhvin kim tərəfindən edildiyi ilə bağlı araşdırma aparılmalıdır.”

O əlavə edib ki, məsələ ciddi şəkildə araşdırılmalı və məsul şəxslər müəyyən olunmalıdır.