Çində küçəyə çıxmaq da “Ağırlıq” istəyir – 50 Kq-lıqlar üçün xəbərdarlıq

Çində tufan başlayıb, amma bu dəfə fırtına ilə mübarizə bir az fərqlidir! FTV News-un verdiyi xəbərə görə, ölkənin şimalında, xüsusilə də Pekində güclü qasırğa və leysan yağışlar səbəbindən hakimiyyət çəkisi 50 kiloqramdan az olan vətəndaşlara ciddi xəbərdarlıq edib: "Küçəyə çıxmayın, külək sizi aparmasın!"

Monqolustandan gələn külək elə şiddətlidir ki, Çin son 10 ildə ilk dəfə Pekində narıncı səviyyəli tufan xəbərdarlığı edib. Belə vəziyyət nadir hallarda olur, yəni sadə dillə desək: vəziyyət ciddidir.

Deyilənə görə, insanlar qorxudan marketlərə axışıb, nəticədə bəzi supermarketlərin rəfləri “fırtına”dan əvvəl boşalıb.