Türkiyə, Azərbaycan və İran universitetləri arasında üçtərəfli Anlaşma Memorandumu imzalanıb

Türkiyə, Azərbaycan və İran universitetləri arasında üçtərəfli Anlaşma Memorandumu imzalanıb.

Ulusum.az xəbər verir ki, bu gün Türkiyənin Ərciyəs Univeristeti, Azərbaycanın Xəzər Universiteti və Təbrizin Şəhid Mədəni Universiteti arasında Təbrizdə keçirilən 11-ci Beynəlxalq Kimya və Ətraf Mühit Konfransında üçtərəfli Anlaşma Memorandumu imzalanıb.

Məlumata görə, anlaşmaya beynəlxalq əməkdaşlığın inkişafı, professor-müəllim və tələbə mübadiləsi, tədqiqatların aparılması və birgə elmi konfransların keçirilməsi daxildir.

Bildirilib ki, Təbrizin Şəhid Mədəni Universitetinin rektoru Məhəmmədbaqir Sadiqi Azad konfransın açılış mərasimində deyib: “Ətraf mühit keçmişin qiymətli mirasıdır, o, gələcəkdə heç bir zərər görmədən övladlarımıza buraxmaq üçün əlimizdə olan əmanətdir”.

Eltun Məmmədov