Ağstafa kəndində fərdi evdə güclü yanğın VİDEO

FHN briqadaları hadisə yerinə cəlb olunub, yanğın nəticəsində xəsarət alan olmasa da, fərdi yaşayış evi tamamilə yanaraq yararsız hala düşüb.

Ağstafa rayonunun Köçəskər kəndində gecə saatlarında fərdi yaşayış evində güclü yanğın baş verib. Hadisə yerinə dərhal Fövqəladə Hallar Nazirliyinin (FHN) yanğınsöndürmə briqadaları cəlb olunub və alovun qarşısının alınması istiqamətində tədbirlər görülüb.


Kənd sakinlərinin bildirdiyinə görə, ev sahibi uzun müddətdir Rusiyada yaşadığı üçün hadisə zamanı evdə kimsə olmayıb.

Yanğın nəticəsində xəsarət alan olmasa da, üçmərtəbəli villa tamamilə yanaraq yararsız vəziyyətə düşüb və ciddi maddi ziyan dəyib.

Ulusum.az-ın bölgə müxbiri xəbər verir ki, kənddə yaşayanlar ev sahibinin xeyriyyəçi şəxs olduğunu, aztəminatlı ailələrə dəstək göstərdiyini və kənd üçün müxtəlif faydalı işlər gördüyünü bildiriblər.

Faktla bağlı araşdırma aparılır.





E.Quliyev
Ulusum.az