D vitaminini əvəzləyən Qidalar

D vitamini əsasən günəş şüalarının təsiri ilə orqanizmdə sintez olunur. Lakin Rusiyada əhali arasında bu vitaminin çatışmazlığı geniş yayılıb. Bu səbəbdən D vitamininin qida vasitəsilə qəbul edilməsi xüsusi əhəmiyyət daşıyır.

Ulusum.az xəbər verir ki,bu barədə Piroqov Universitetinin onkologiya və şüa terapiyası kafedrasının dosenti Nikolay Kudaşkin “gazeta.ru”ya açıqlamasında bildirib.

Həkimin sözlərinə görə, günəş D vitamininin əsas mənbəyi olsa da, ultrabənövşəyi şüalanmanın dəri xərçənginin yaranmasında mühüm risk faktoru olduğu sübut edilib. Buna görə də, vitaminin alternativ mənbələrinə üstünlük vermək vacibdir.

Kudaşkin qeyd edib ki, D vitamini ilə zəngin qidalar sırasında balıq yağı, qızılbalıq (losos), keta, skumbriya, siyənək, forel, ilanbalığı, kambala, treska ciyəri, yumurta sarısı, kərə yağı və sərt pendirlər yer alır.

Onun sözlərinə görə, günəş işığının çatışmazlığı müxtəlif xəstəliklərə səbəb ola bilər. Lakin dəri xərçəngi riskini azaltmaq üçün həddindən artıq günəş altında qalmaqdan və günəş yanığından qorunmaq lazımdır.

Həkim əlavə edib ki, günəşdən qoruyucu kremlər ultrabənövşəyi şüaların dəriyə zərərli təsirini azaldır. Xüsusilə açıq rəngli göz və saçlara malik, dərisi tez yanan və çətin qaralan şəxslər bu vasitələrdən mütləq istifadə etməlidirlər.

Ulusum.az