TEKNOFEST KKTC: Türk Texnologiyası Şimali Kiprdə Tarix Yazdı

Şimali Kipr Türk Cümhuriyyəti (KKTC) tarixində ilk dəfə bu qədər böyük bir texnologiya festivalına ev sahibliyi etdi. Köhnə Ercan Hava Limanı ərazisində keçirilən TEKNOFEST KKTC, 132 qurumun iştirakı ilə gerçəkləşdi.

Festival çərçivəsində sənaye nəhəngləri, universitetlər, dövlət qurumları və texnologiya şirkətləri bir araya gələrək gələcəyin texnologiyalarını nümayiş etdirdilər.



Sənaye və Texnologiya Naziri Mehmet Fatih Kacır festival haqqında danışaraq dedi:

“Ada tarixindəki ən böyük tədbiri keçirdik. Dünyanın hər yerindən gələn 225 min ziyarətçimizlə KKTC-də Milli Texnologiya Hərəkatı yaratdıq.”



KKTC Prezidenti Ersin Tatar da festivalı ziyarət edərək bu sözləri söylədi:

“Son aldığım məlumata görə, dörd gün ərzində 200 mindən çox ziyarətçi iştirak edib. Bu, Şimali Kipr üçün böyük rekorddur.”



Tayfun Raketində İrəliləyiş: Müdafiə Sənayesində Yeni Era

ROKETSAN-ın baş direktoru Murat İkinci Tayfun raketlərinin həm sınaq, həm də seriyalı istehsal mərhələsində olduğunu bildirdi.
“Tayfun öz sinfinin ən güclü zərbə vasitələrindən biridir və Silahlı Qüvvələrimizin gücünə əhəmiyyətli töhfə verəcək.”



O, həmçinin İstanbulda keçiriləcək İDEF sərgisində sürpriz texnologiyalarla çıxış edəcəklərini açıqlayıb.
“Yeni texnologiyalarımızı, silahlarımızı və sistemlərimizi dünya ictimaiyyətinə təqdim edəcəyik.”



Türkiyənin İlk Astronavtı TEKNOFEST-də

Türkiyənin ilk astronavtı Alper Gezeravcı TEKNOFEST KKTC-də Anadolu Agentliyinə müsahibə verib və tədbirə olan böyük marağı xüsusi vurğulayıb. O, texnologiyaya olan bu coşğunun gələcək nəsillər üçün ilham mənbəyi olduğunu bildirib.



5G-yə Doğru Milli Addımlar

ULAK Haberleşme şirkəti milli 5G texnologiyası sahəsində mühüm irəliləyişlər əldə edib. Şirkət 2025-ci ilin sonuna qədər Hasdal bölgəsində ağıllı nəqliyyat sistemləri infrastrukturunu quraraq 5G xidmətini reallaşdırmağı planlaşdırır.



✍️"Ulusum".az