Qurban bayramı yaxınlaşır: AQTA kəsim və satış yerlərinə nəzarəti gücləndirir

İyunun 6-7-də qeyd olunacaq Qurban bayramı öncəsi Azərbaycan Qida Təhlükəsizliyi Agentliyi (AQTA) ölkə üzrə heyvan satışı və kəsimi məntəqələrində monitorinqlərə başlayıb.

🔍 Nəzarət tədbirləri baytarlıq-sanitariya və gigiyena normalarına uyğunluğun yoxlanması məqsədi daşıyır. Monitorinqlərin nəticələrinə əsasən, rəsmi təsdiqlənmiş qurbanlıq heyvanların satışı və kəsimi yerlərinin siyahısı yaxın günlərdə AQTA-nın saytında (afsa.gov.az) paylaşılacaq.

📢 Agentlik vətəndaşlara çağırış edir:

Kəsimlər yalnız rəsmi, sanitariya tələblərinə cavab verən yerlərdə həyata keçirilməlidir.

Küçə, yol kənarı, məhəllələrdə və s. nəzarətsiz şəraitdə heyvan kəsimi və satışı yolverilməzdir.

Baytarlıq arayışı olmayan heyvanların daşınması da qanunsuz sayılır.

📞 Əgər bayram günlərində antisanitar şəraitdə heyvan satışı və ya şübhəli hallarla qarşılaşsanız, dərhal “1003 – Çağrı Mərkəzi”, yerli icra orqanları və ya hüquq-mühafizə orqanlarına məlumat verməyiniz tövsiyə olunur.

💡 Qurban ibadətidir – gəlin həm dini, həm də qanuni qaydalara uyğun şəkildə icra edək.

✍️"Ulusum".az