Bələdiyyələrin ailə və icma məsələlərində rolu üzrə konfrans keçirilib

23 aprel 2025-ci il tarixində Ailə, Qadın və Uşaq Problemləri üzrə Dövlət Komitəsi, ABMA və Dövlət İdarəçilik Akademiyasının birgə təşkilatçılığı ilə konfrans keçirilib.

Tədbirdə bələdiyyələrin ailə və icma məsələlərindəki rolu, sosial xidmətlər və gender bərabərliyinin təşviqi müzakirə edilib. Konfransda Ailə, Qadın və Uşaq Problemləri üzrə Dövlət Komitəsinin sədri Bahar Muradova bələdiyyələrin rolunun artırılmasının vacibliyini vurğulayıb. Sonda, tərəflər arasında üçillik əməkdaşlıq memorandumu imzalanıb.

Konfransda bələdiyyələrin sosial məsələlərin həllindəki rolu və icma əsaslı sosial xidmətlərin gücləndirilməsi vurğulanıb. Ailə və gender məsələlərindəki əməkdaşlığın artırılması məqsədilə tədbir iştirakçıları yeni layihələr və təşəbbüslər barədə müzakirələr aparıblar.

Həmçinin, gənc və həssas ailələrin dəstəklənməsi, eləcə də gender komissiyalarının fəaliyyətinin genişləndirilməsi mövzusunda fikirlər səsləndirilib.
Konfransın sonunda imzalanan Anlaşma Memorandumu ilə bu sahədə birgə fəaliyyətin daha da gücləndirilməsi nəzərdə tutulub.


✍️ "Ulusum".az