Türkiyənin XİN başçisi: Ankara ABŞ-ın sanksiyaları ləğv etməsini gözləyir

"Ankara ABŞ prezidenti Donald Tramp administrasiyasının Türkiyəyə silah tədarükünə görə tətbiq edilən sanksiyaları ləğv edəcəyini gözləyir". Bunu Türkiyənin xarici işlər naziri Hakan Fidan bildirib, “Ulusum”.az xəbər verir.

2017-ci ildə Türkiyə Rusiya ilə S-400 raket kompleksinin tədarükü üçün müqavilə imzalayıb. ABŞ Patriotun xeyrinə Rusiya sistemlərindən imtina etməyi tələb etsə də, Ankara bununla razılaşmayıb. Vaşinqton Türkiyəni ən son F-35 qırıcılarının tədarükü proqramından kənarlaşdırıb və Sanksiyalar vasitəsilə ABŞ-ın Düşmənlərinə Qarşı Mübarizə Aktı) çərçivəsində müdafiə sənayesi rəhbərlərinə sanksiya tətbiq edib. Birləşmiş Ştatlar F-35 layihəsinin qalan yeddi tərəfdaşı - Böyük Britaniya, İtaliya, Hollandiya, Avstraliya, Danimarka, Kanada və Norveç ilə imzalayaraq Türkiyə ilə birgə F-35 memorandumunu ləğv edib.

"Biz yeni administrasiyadan əvvəlki administrasiyadan qalan CAATSA sanksiyalarını aradan qaldıracağını gözləyirik. Prezidentimiz bu istiqamətdə dialoqa açıqdır", - Fidan bildirib.

Səidə