Hakan Fidan: "Suriyada vəziyyəti normallaşdırmaq üçün sanksiyalar ləğv edilməlidir"

Suriyada vəziyyəti normallaşdırmaq üçün sanksiyalar ləğv edilməlidir. Ulusum.az xəbər verir ki, bu sözləri Türkiyənin xarici işlər naziri Hakan Fidan bildirib.

Hakan Fidan həmçinin beynəlxalq ictimaiyyəti Suriyanın yeni hakimiyyət orqanlarını dəstəkləməyə çağırıb.

“Əvvəlki rejimə qarşı tətbiq edilən sanksiyalar mümkün qədər tez aradan qaldırılmalıdır. Suriyaya qarşı sanksiyaların ləğvi Suriyada vəziyyətin normallaşması və ölkədə təhlükəsizliyin təmin edilməsi üçün son dərəcə vacibdir”, - deyə Hakan Fidan “Həyat Təhrir əl-Şam”ın rəhbəri Əbu Məhəmməd əl-Culani ilə görüşdən sonra keçirilən mətbuat konfransında bildirib.

Eltun Məmmədov