Ərdoğan İstanbul bələdiyyə sədrinin həbsi ilə bağlı açıqlama verib

"Ulusum".az xəbər verir ki, Türkiyənin lideri Rəcəb Tayyib Ərdoğan, hakim Ədalət və İnkişaf Partiyasının parlament qrupunun iclasında çıxış edərkən, ölkədəki hakimiyyət-cəmiyyət münasibətlərinin bəzi qüvvələr tərəfindən pozulmağa çalışıldığını vurğulayıb. O, qeyd edib ki, siyasi vəzifələr müvəqqəti olsa da, ən önəmlisi insanların qəlbini fəth etməkdir.

Ərdoğan bildirib ki, cəmiyyətlə əlaqələri gücləndirməyə çalışarkən, bəziləri bu əlaqələri zəiflətməyə cəhd göstərir. Həmçinin, müxtəlif maskalar altında öz maraqlarını həyata keçirmək istəyənlər, ölkənin gələcəyinə təsir etməyə çalışanlar da mövcuddur. Türkiyə və onun xalqına qarşı olan düşmən dairələr bu qüvvələrdən istifadə edərək öz məqsədlərinə çatmağa çalışıblar.