Evdə Kif Problemi: Səbəblər, Risklər və Təbii Həll Yolları

Kif yalnız divarda qalan ləkə deyil — səhv vərdişlər, zəif havalandırma və yüksək nəmlik, sağlamlığınız üçün real təhlükəyə çevrilə bilər

Mütəxəssislər kifin əsas səbəbləri və qarşısının alınması üçün praktik tövsiyələr təqdim edir.

Kifin yaranmasına səbəb olan yaygın səhvlərdən biri, mebellərin divara çox yaxın yerləşdirilməsidir. Bu zaman divar arxasında hava sirkulyasiyası zəifləyir və nəmin toplanması üçün ideal mühit yaranır.

Eyni zamanda paltarı qapalı məkanlarda qurutmaq da otaq daxilindəki nəmi bir neçə saata ikiqat artıraraq kifin yaranmasını sürətləndirir.

Hamam və mətbəxdəki buxarın evə yayılması isə digər otaqlarda da kif riskini artırır. Bu sahələrdə aspirator və ventilyatorlardan istifadə edilməməsi, nəmin yığılmasına səbəb olur.

Mütəxəssislər qış aylarında belə pəncərələrin tam bağlı saxlanmaması, əvəzində gündəlik qısa müddətli çarpaz havalandırma ilə həm havanı dəyişməyi, həm də artıq nəmdən azad olmağı tövsiyə edirlər.


Kifin sağlamlığa təsiri gözardı edilə bilməyəcək qədər ciddidir.. Ulusum.az xəbər verir ki, Amerika Toraks Cəmiyyətinin (ATS) hesabatında bildirilir ki, kif sporları uzun müddət inhalasiya edildikdə tənəffüs yollarında iltihablanma, astma tutmaları və allergik reaksiyalar törədə bilər.

Ən çox risk altında olanlar isə uşaqlar, yaşlılar və immun sistemi zəif olan insanlardır.

Bəs nə etməli?


Kimyəvi məhlullardan istifadə yerinə, ağ sirkə və karbonatlı su kimi təbii vasitələrlə kif təmizliyi həm daha sağlam, həm də təhlükəsiz sayılır.

Unutmayın, kif yalnız nəmin deyil, yanlış vərdişlərin və diqqətsizliyin nəticəsidir. Sadə dəyişikliklərlə evinizdə həm sağlam, həm də təmiz mühit yaradın.

Ulusum.az /R.İkramlı