Xallar və dəridəki törəmələrə toxunmadan öncə nə etməli?

Xallar və dəridəki törəmələr necə götürülür? Xallar dəridə müxtəlif formalarda və ölçülərdə görünə bilər.

Onların bəziləri estetik narahatlıq yaradır, bəziləri isə sağlamlıq baxımından izlənməli və lazım olduqda götürülməlidir.

Dr. Mehdi İskəndərlinin sözlərinə görə ulusum.az xəbər verir ki, hər xal fərqli yanaşma tələb edir və düzgün üsul yalnız dermatoloji müayinə ilə təyin olunur.
Dermatoloqdan vacib açıqlama!

Statistik sual kimi səslənsə də, “xallar və törəmələr necə götürülür?” sualının vahid cavabı yoxdur. Çünki bu törəmələr çox müxtəlif olur və hər birinin yanaşması fərqlidir.

Əvvəlcə dermatoloq xalların və ya törəmələrin mənşəyini təyin edir. Bunun üçün dermatoskopiya və ya biopsiya üsullarından istifadə olunur. Diaqnoz dəqiqləşdirildikdən sonra isə çıxarılma üsulu müəyyən edilir.

- Yumşaq törəmələr (papillomalar, mollusklar və s.) – krioterapiya (mayə azot), azot və ya xüsusi kremlərlə müalicə olunur.
- Bəzi törəmələr – elektrokoaqulyasiya və ya lazer terapiyası ilə aradan qaldırılır.
- Daha dərin və ya şübhəli törəmələr – yalnız cərrahi üsulla çıxarılır.
- Bəzi xallar və törəmələr isə heç bir halda götürülməməli, yalnız mütəmadi müşahidə altında saxlanılmalıdır.

Unutmayın: xallar və dəridəki törəmələr yalnız peşəkar dermatoloq tərəfindən, klinik şəraitdə müayinə olunmalı və müdaxilə edilməlidir.

Özünüz müayinə etməyin, mütləq həkimə müraciət edin!

R.İkramlı