Yaşıd zorakılığı: Uşaqların səssiz qaldığı təhlükə

Uzm. Psixoloq Gizem Başkılıç Turan yaşıd zorakılığının uşaqların psixoloji inkişafına mənfi təsir etdiyini və cəmiyyət üçün ciddi təhlükə olduğunu bildirir.

O, zorakılıqda “zorba, qurban və şahid” olmaqla üç əsas rolun olduğunu vurğulayıb. Turan qeyd edib ki, zorakılıq çox zaman gizli baş verir və müəllimlərlə valideynlərin uşaqları diqqətlə izləməsi vacibdir.

Məktəblər və ailələr uşaqlara zorakılıqla qarşılaşdıqda necə davranacaqlarını öyrətməlidir. Uşaqların təhlükəsiz şəkildə böyüklərə məlumat verməsi üçün etibarlı ünsiyyət mühiti yaradılmalıdır.

Ulusum.az xəbər verir ki, Turan zorakılığa məruz qalan uşaqlarda narahatlıq, özünə qapanma, sosial mühitlərdən uzaqlaşma kimi əlamətlərin yarana biləcəyini bildirib. Bu hallarda psixoloji dəstək vacib sayılır.

O, həmçinin zorakılıq edən uşaqların da emosional çatışmazlıqlar səbəbilə köməyə ehtiyac duyduğunu qeyd edib. Bu mövzuya dair maarifləndirmə təhlükəsiz sosial münasibətlərin qurulmasına zəmin yaradır.

Psixoloq sonda bildirib ki, hər bir uşaq harada olmasından asılı olmayaraq özünü güvənli hiss etməyə layiqdir.

Ulusum.az / R.İkramlı