Kəskin çəki dayanması nə ilə bağlıdır?

Ulusum.az-a açıqlamasında terapevt-endokrinoloq Dr. Ayşən Xəlilova bildirir ki, bəzən insanlar düzgün qidalanma və fiziki aktivliklə məşğul olsalar belə, arıqlama prosesi dayana bilər.

Bu zaman pasiyentlərdə əsas səbəb kimi hormonal problemlər, xüsusən də endokrin xəstəliklər ön plana çıxır.

“Çəki verə bilməmək bəzən sadəcə iradə ilə bağlı deyil. Hipofiz vəzinin fəaliyyət pozğunluğu, hipotiroidizm (qalxanvari vəzin tənbəlliyi), insulinin düzgün işləməməsi, metabolik sindrom və digər hormonal disbalanslar arıqlama prosesini əngəlləyə bilər.

Bu vəziyyətlərdə yalnız pəhriz və idman kifayət etmir. Ttibbi müdaxilə və dəqiq diaqnoz şərtdir,” – deyə Dr. Xəlilova vurğulayır.

Piylənmənin əsas səbəbləri sırasında irsiyyət, oturaq həyat tərzi, yarımfabrikat qidalarla qidalanma, təbii məhsullardan uzaq durmaq və psixoloji faktorlar dayanır.

Ulusum.az sağlam həyat naminə maarifləndirməni davam etdirir.