Azərbaycan Mərkəzi Bankına yeni baş direktor təyin olundu

Mərkəzi Banka yeni baş direktor təyin olundu

Ulusum.az xəbər verir ki, Azərbaycan Mərkəzi Bankının sədri Taleh Kazımovun əmri ilə Tural Feyzullayev Mərkəzi Bankın baş direktoru vəzifəsinə təyin edilib.
Qeyd edək ki, Tural Feyzullayev bundan əvvəl Azərbaycan Respublikası Prezidentinin Administrasiyasında sektor müdiri vəzifəsində çalışıb.

O, 36 yaşındadır və Ağcabədi rayonunda anadan olub.

Yeni sədr maliyyə və hüquq sahəsində uzunmüddətli idarəçilik təcrübəsinə malikdir.

Təhsili: Hüquq sahəsində bakalavr və magistr pillələrini bitirib — o cümlədən Fransada Tuluz Universitetində beynəlxalq və Avropa hüququ və beynəlxalq biznes hüququ üzrə magistr dərəcələri alıb.

Bundan əvvəl baş direktor vəzifəsini edən Rəna Məlikova isə Mərkəzi Bank sədrinin müşaviri təyin olunub.