10 min addım şərt deyil – az da olsa hərəkət sağlamlıq üçün faydalıdır

Uzun müddətdir ki, sağlam qalmaq üçün gündə mütləq 10 min addım atmaq lazım olduğu iddia edilirdi. Bu səbəbdən bir çox insan gündə 10 min addım ata bilmədikdə, daha azı heç nəyə yaramaz deyə düşünərək yürüşdən imtina edirdi. Lakin bu fikrin doğru olmadığı ortaya çıxıb. Avropa Profilaktik Kardiologiya Jurnalında dərc olunan araşdırmaya əsasən, sağlam qalmaq üçün gündə 10 min addım atmaq mütləq deyil. Daha az addım atmaq da sağlamlıq baxımından çox faydalıdır.

226 min 889 nəfərdən toplanan məlumatlara əsaslanan 17 elmi araşdırmanın təhlili göstərir ki, az da olsa hərəkət çox vacibdir. Araşdırma nəticələrinə görə:

Gündə 4 min addım və ya daha çox atmaq, xəstəliklə əlaqədar ölüm riskini azaldır.

Gündə 2.337 addım atmaq, ürək xəstəlikləri və insultdan ölüm riskini aşağı salır.

Hər min əlavə addım, ölüm riskini 15%,

500 addım artım isə ürək-damar xəstəliklərindən ölüm riskini 7% azaldır.

“Nə qədər çox, o qədər yaxşı!”

ABŞ-ın Tulane Universitetinin Tibb Fakültəsinin Kardiologiya şöbəsinin rəhbəri Dr. Keith Ferdinand deyir:

“10 min addım tövsiyəsi yanlışdır demirik. Sadəcə, az hərəkət belə heç nədən daha yaxşıdır. Ən çox addım atanların erkən ölüm riski ən az olur. Gündə 20 min addım atanlar sağlamlığa ən böyük sərmayə qoyanlardır.”

“Bağ da təmizləyə bilərik” – Hərəkət mütləq idman zalında olmalı deyil

Mütəxəssislər bildirir ki, fiziki aktivlik üçün idman zalına getmək şərt deyil. Dr. Ferdinand deyir:

“Amerika Ürək Assosiasiyası gündəlik 150 dəqiqə orta dərəcədə hərəkət tövsiyə edir. Bu təkcə yürüş deyil. Ev təmizliyi, bağ işləri, uşaqlarla gəzmək, it gəzdirmək kimi fəaliyyətlər də buraya daxildir. Əsas məsələ hər gün 150 dəqiqə hərəkətdə olmaqdır. Yay günlərində isə səhər tezdən yürüş etmək günəşdən qorunmaq üçün vacibdir.”

Nəticə: Az da olsa hərəkət edin, həyatınızı xilas edə bilər!

Ulusum.az