BioNTech və BMS 11,1 milyardlıq əməkdaşlıqla xərçəng dərmanı üzərində işləyir

BioNTech və BMS birgə açıqlama verib: Alman şirkət ABŞ-lı şirkətlə araşdırma mərhələsində olan BNT327 adlı xərçəng dərmanını inkişaf etdirmək və kommersiyalaşdırmaq üçün razılığa gəlib.

Razılığa əsasən, BMS əməkdaşlıq üçün BioNTech-ə ümumilikdə 11,1 milyard dollara qədər ödəniş edəcək. BioNTech əvvəlcədən 1,5 milyard dollar alacaq.

BioNTech mRNA texnologiyası ilə COVID-19 peyvəndini inkişaf etdirib və ABŞ-lı Pfizer ilə əməkdaşlıqla bazara çıxarıb. BioNTech bu mRNA peyvəndindən 2021-ci ildə təxminən 19 milyard dollar gəlir əldə etmişdi.

COVID-19 pandemiyasından sonra diqqətini xərçəng dərmanı inkişafına yönəldən BioNTech, ilk xərçəng dərmanını 2026-cı ildə bazara çıxarmağı planlaşdırır.

Xəbərdən sonra BioNTech-in səhmləri açılışda təxminən 20% artaraq 114,75 dollara yüksəlib.

Ulusum.az