Qadınlar diqqətli olun: Tamponlarda təhlükəli pestisid tapıldı

Britaniya alimləri məşhur tampon markalarında, o cümlədən Tampax məhsullarında pestisidlərdən biri olan qlifosatın səviyyəsinin təhlükəli dərəcədə yüksək olduğunu aşkarlayıb. Tədqiqat zamanı bəzi nümunələrdə qlifosatın miqdarı içməli su üçün icazə verilən normadan 40 dəfə çox olub. Bu barədə məlumatı Daily Mail yayıb.

Pestisidlər pambığın yetişdirilməsi zamanı istifadə olunan aqrokimyəvi maddələr vasitəsilə tamponlara keçib. Ən ciddi narahatlıq yaradan məqam isə odur ki, tampon istifadə zamanı zərərli maddələr birbaşa qan dövranına daxil olur, beləliklə, qaraciyər və digər orqanların filtrindən keçmir. Bu isə xərçəng, Parkinson xəstəliyi və hormon pozuntuları riskini artırır.

Ekoloji fəallar istehsalçılar üçün sərt qaydaların tətbiqini və məhsulların tərkibinin tam şəffaf olmasını tələb edir. Onlar bildirir:
“Əgər qlifosat su üçün təhlükəlidirsə, niyə intim məhsullarda icazə verilir?”

Bu narahatedici nəticələr fonunda mütəxəssislər qadınları gigiyena vasitələrinin seçiminə daha məsuliyyətlə yanaşmağa çağırır və məhsullarda pestisid qalıqlarının mütləq yoxlanılması prosedurunun tətbiqini vacib sayırlar.

Ulusum.az