Gənclik Səndə Qalsın: Bu İki Təbii Vasitə Hüceyrələri Cavan Saxlayır

Nutrisioloq və biokimyaçı Anna Divinskayanın NEWS.ruya verdiyi məlumata görə, yaşıl çay və zərdəçal antioksidantlarla zəngin olduğu üçün hüceyrə yaşlanmasını ləngidir və diabet, ürək-damar xəstəlikləri kimi yaşla bağlı xəstəliklərlə mübarizəyə kömək edir.

“Zərdəçal — qızıl ədviyyatdır. Onun tərkibindəki kurkumin güclü antioksidant təsir göstərərək sərbəst radikalları neytrallaşdırır. Bu radikallar hüceyrə oksidləşməsinə səbəb olur və yaşlanma prosesini sürətləndirir,” — deyə Divinskaya bildirib.

Yaşıl çay da öz növbəsində EGCG adlı güclü antioksidantlarla zəngindir və bu maddə yaşla bağlı bir çox xəstəliklərə qarşı müsbət təsir göstərir.

Divinskaya qeyd edir ki, kurkumin hüceyrələrin maddələr mübadiləsini gücləndirir və onları xarici təsirlərə qarşı daha dözümlü edir. Zərdəçalın mütəmadi istifadəsi hüceyrə səviyyəsində yaşlanmanı ləngidə və ümumi sağlamlığı yaxşılaşdıra bilər.

“Zərdəçal və yaşıl çay birlikdə istifadə olunanda bir-birinin təsirini gücləndirir — sinerji yaradır. Hər iki məhsul iltihab əleyhinə təsirə malikdir və xroniki iltihabların yaratdığı sağlamlıq risklərini azalda bilər,” — deyə o əlavə edib.

Ulusum.az