Bakıda qaz borusu partladı: Alov göyə qalxdı

Neftçilər prospekti ilə Çobanzadə küçəsinin kəsişməsində – “Real” şadlıq sarayının yaxınlığında ciddi yanğın baş verib. İlkin məlumata görə, avtomobil qaz borusuna çırpılıb, nəticədə sızma yaranıb və qaz alovlanıb.

Şahidlərin sözlərinə görə, ulusum.az xəbər verir ki, alov göyə qalxıb və ətraf ərazi işıqlanıb. FHN-in əməkdaşları operativ şəkildə hadisə yerinə cəlb olunub, yanğının genişlənməsinin qarşısı alınıb.

Əraziyə qaz təchizatı dayandırılıb, təhlükəsizlik tədbirləri görülür. Hadisə ilə bağlı araşdırma aparılır.