Hindistanda gecə klubunda yanğın - Ölənlər Var

Hindistanın Qoa ştatında gecə klubunda baş verən yanğın nəticəsində ölənlərin sayı 25-ə yüksəlib, onların arasında azı dörd turist var.

Hindistanın Qoa ştatında yerləşən “Birch by Romeo Lane” gecə klubunda baş verən güclü yanğın nəticəsində ölənlərin sayı 25-ə yüksəlib. Ölənlər arasında azı dörd turistin olduğu təsdiqlənib.

Bu barədə “Times of India”ya istinadən Ulusum.az xəbər verir.

Polis rəisi Alok Kumarın açıqlamasına görə, həlak olanlardan dördü turist, 14-ü klubun əməkdaşıdır, daha yeddi nəfərin şəxsiyyəti isə müəyyənləşdirilməkdədir. Hadisə zamanı ən azı 50 nəfər xəsarət alıb.

Yanğın dekabrın 7-nə keçən gecə ştatın paytaxtı Panajidən təxminən 25 kilometr uzaqlıqda, Şimali Qoanının Arpora kəndində yerləşən klubda baş verib. İlkin ehtimallara görə, faciəyə müəssisənin mətbəxində qaz balonunun partlaması səbəb olub.

Hazırda hadisə ilə bağlı araşdırma aparılır.

R.Daşdəmirova