Kefir hər kəsə düşmür? — Dietoloqdan vacib xəbərdarlıq

Kefir təkcə dadlı deyil, həm də kalsium, fosfor və amin turşuları ilə zəngin, qidalandırıcı bir məhsuldur. Lakin bu içki hər kəs üçün uyğun deyil.

Dietoloq Anton Polyakov "Аргументы и факты" ilə söhbətində izah edib ki, süddəki kazein adlı zülala allergiyası olan şəxslərə kefir qətiyyən tövsiyə olunmur. Belə insanlar onu mütəmadi qəbul etdikdə bədəndə iltihabi reaksiyalar yarana bilər.

Bundan əlavə, həkim qeyd edib ki, yaşlı insanlar yüksək yağlı kefirdən uzaq durmalıdır. Çünki yaş artdıqca orqanizm yağları daha çətin mənimsəyir. Bu səbəbdən “yüngül” (az yağlı) versiyalara üstünlük vermək tövsiyə olunur.

Bütün bunlara baxmayaraq, əksər insanlar üçün kefir faydalı maddələrlə zəngin bir qaynaq olaraq qalır. O, həzm sistemini dəstəkləyir və immuniteti gücləndirir.

Kefiri sadəcə içmək deyil, müxtəlif yeməklər və maraqlı içkilər üçün əsas kimi də istifadə etmək olar. Məsələn, kefirlə dadlı blinçiklər, okroşka (soyuq şorba) və şirin süd kokteyli hazırlamaq mümkündür.

Ulusum.az