«Mənfi kalori» anlayışı mifdirmi?

«Mənfi kalori» termini sadəcə marketinq mifidir, — xəbərdarlıq edib terapevt Anastasiya Lozikova. Lakin arıqlayarkən bu tip bəzi qidalar faydalı ola bilər.

Bəzi məhsulların yandırdığı kalori miqdarının verdiyindən çox olduğu fikri məşhur olsa da, bu fenomenin elmi təsdiqi yoxdur.

Buna baxmayaraq, həkimin sözlərinə görə, müəyyən qidalar həqiqətən də çəkinin azalmasına kömək edir. Burada az enerji sıxlığına, yüksək lif və su tərkibinə malik qidalar nəzərdə tutulur. Belə qidalar orqanizmi doyur, amma kalori yükünü artırmır.

Xüsusilə, xiyar, brokoli, kəbak və kərəvizə diqqət yetirmək tövsiyə olunur, çünki onlar maddələr mübadiləsini yaxşılaşdırır. Arıqlayanlar üçün həmçinin giləmeyvələr — malina, qarağat, böyürtkən faydalıdır.

Onlarda şəkər azdır, amma antioksidantlar çoxdur. Su tərkibi yüksək olan meyvələr — greyfurt, ananas, portağal və kivi isə həzm prosesini sürətləndirir və bədəni gümrah saxlayır. Tərkibindəki C vitamini ümumi sağlamlaşdırıcı təsiri artırır.

«Bu qidalar birbaşa yağ yandırmır, amma kalori çatışmazlığı yaratmağa və minimal enerji xərcləyərək orqanizmi doyurmağa kömək edir. Bu, həm dadlı yemək, həm də aclıq hiss etmədən arıqlamaq üçün əla üsuldur», — deyə həkim əlavə edib.

Eyni zamanda Lozikova «Podmoskovye Segodnya» ilə söhbətində vurğulayıb ki, ən yaxşı qidalanma rejimi belə hərəki aktivliyi, stress idarəsini və həkim məsləhətlərini əvəz etmir.

Ulusum.az