Uzun müddət yeməkdən imtina etsək...

Uzun müddət yemək yeməmək orqanizmə ciddi təsirlər göstərə bilər. Qısa müddətli oruc və ya tibbi nəzarət altında olan aclıq bəzi hallarda faydalı sayılsa da, uzunmüddətli və nəzarətsiz aclıq sağlamlıq üçün təhlükəlidir.

İlk bir neçə saat ərzində bədən enerjini qlükozadan alır. Ancaq bu ehtiyatlar tez tükəndikdən sonra bədən yağ və əzələ toxumasını parçalamağa başlayır. Bu, çəki itkisinə səbəb olsa da, əzələ zəifləməsi və maddələr mübadiləsinin pozulması ilə nəticələnir.

Aclığın digər nəticələrinə aşağıdakılar daxildir:

Enerji çatışmazlığı və xroniki yorğunluq

Başgicəllənmə və konsentrasiya çətinliyi

İmmunitet sisteminin zəifləməsi

Saç tökülməsi və dəri problemləri

Ürək ritminin pozulması və elektrolit disbalansı

Hormonal dəyişikliklər, qadınlarda menstruasiya pozuntuları

Uzunmüddətli aclıq həm də psixoloji vəziyyətə təsir edir: əhval-ruhiyyənin kəskin dəyişməsi, əsəbilik və depressiya halları artar.

Nəticə etibarilə, sağlam çəki itirmək və ya bədəni təmizləmək məqsədilə ac qalmaq düzgün üsul deyil. Bunu etmək qərarına gələn şəxslər mütləq şəkildə həkim nəzarəti altında olmalıdırlar. Sağlam həyat tərzi balanslı qidalanma və düzgün rejimlə mümkündür.

Ulusum.az