Xurmanın xolesterol səviyəsinə təsiri

Xurma zəngin vitaminlər, antioksidantlar və həzm prosesini yaxşılaşdıran liflərlə doludur. Lakin, bu məhsulun qan şəkəri və xolesterol səviyyələrini aşağı saldığına dair inandırıcı sübutlar yoxdur. Bu barədə Vanderbilt Universitetinin dietoloqu Heydi Silver The Conversation nəşrinə danışıb.

Həkimin sözlərinə görə, xurmalar yüksək şəkər və karbohidrat məzmununa baxmayaraq, mülayim miqdarda istehlak edilə bilər. Bu qurudulmuş meyvə maqnezium, niasin, folat, A vitamini, selen, kalsium, lutein və beta-karotin kimi faydalı maddələrlə zəngindir. Bu maddələr yalnız immuniteti və görmə qabiliyyətini dəstəkləməkdə deyil, həm də hüceyrələri sərbəst radikalların yaratdığı oksidləşmədən qorumağa kömək edir.

Xurmalarda həmçinin həzm prosesini yaxşılaşdıran və faydalı bağırsaq bakteriyaları tərəfindən emal edilən lif də çoxdur. Bundan əlavə, bəzi tədqiqatlar xurma istehlakının qan şəkəri, xolesterol və trigliserid səviyyələrini idarə etməyə kömək etdiyini sübut edir. Lakin hələlik buna dair inandırıcı sübutlar tapılmayıb.

Metabolizma pozğunluqları və şəkərli diabetdən qorunmaq üçün Silver yalnız xurmalara arxalanmamağı, eyni zamanda pəhrizi liflə zəngin digər məhsullarla (yaşıl yarpaqlı tərəvəzlər, paxlalılar, nişastalı olmayan tərəvəzlər, qoz-fındıq, toxumlar və tam taxıl) tamamlamayı tövsiyə edir.

Səidə