Depressiya riskini azaltmağın ən asan yolu

Kastilya-La-Mança Universitetinin alimləri müəyyən ediblər ki, gündə altı-dən 10 min addım atmaq depressiya riskini azalda bilər. Tədqiqatın nəticələri JAMA Network Open jurnalında dərc olunub.

Bu nəticələr, 96 mindən çox insanın iştirak etdiyi 33 əvvəlki tədqiqatın meta-analizi əsasında əldə edilib. Araşdırmalarda iştirakçıların fiziki aktivliyi (fitnes-trakerlər vasitəsilə toplanmış məlumatlar) və psixi sağlamlıq vəziyyəti araşdırılıb.

Göstərilib ki, fiziki aktivliyin kiçik artımı — gündə 5 min addımın üzərinə əlavə 1 min addım atmaq — depressiya riskini 9% azaldır. Bu təsir, gündəlik hərəkətlilik səviyyəsi yüksəldikcə güclənir. Məsələn, gündə 7 min addım atan insanlarda depressiya riski 5 min addım atanlara nisbətən 31% azalıb.

7,5 min addım atan şəxslərdə isə depressiya riski 43% azalıb. Bu nəticələr bütün cins və yaş qrupları üçün eyni olub. Lakin, tədqiqatın məlumatlarına görə, gündə 10 min addım atmaq psixi sağlamlıqda nəzərəçarpan bir yaxşılaşma yaratmır və bu səviyyənin üzərindəki addımların faydası statistik olaraq əhəmiyyətli deyil.

Səidə