Uşaqların sağlamlığını təhdid edən ən təhlükəli xalq müalicə üsulları

Mütəxəssislər uşaqlara tətbiq olunan bir çox xalq müalicə üsulunun ciddi sağlamlıq problemlərinə səbəb ola biləcəyini bildiriblər. Uşaqların müalicəsi zamanı, xüsusən də onlara təbii müalicə üsulları tətbiq edilərkən diqqətli olmaq vacibdir. Mütəxəssislər bir neçə üsulu "təsadüfi" olaraq uşaqlara zərər verə biləcək təhlükəli metodlar olaraq qeyd ediblər:

Spirt və sirkə ilə ovuşdurmaq: Bu metod, yüksək hərarət zamanı uşaqların bədənini soyutmaq məqsədilə istifadə edilir. Lakin, spirtin dəridən sorulması bədənin içindəki alkoqol miqdarını artıra bilər, bu da təhlükəli ola bilər. Sirkə də dəridə qıcıqlanmalara və digər zərərlərə səbəb ola bilər.

Balın və limonun qarışımı: Bəzi valideynlər uşaqlara soyuqdəymə və ya boğaz ağrısı zamanı bal və limon qarışığı verir. Lakin, balın 1 yaşınadək uşaqlara verilməsi tövsiyə edilmir, çünki balda botulizm sporu ola bilər, bu isə ciddi sağlamlıq problemlərinə yol aça bilər.

Bitki çayları: Bitki çayları təbii olsa da, hər bitki uşağın yaşına və sağlamlıq vəziyyətinə uyğun gəlmir. Bəzi bitkilər allergiyalara və hətta toksik reaksiya verə bilər. Mütəxəssislər uşaqlara bitki çaylarının verilməsini məsləhət görmürlər, xüsusən də tibbi məsləhət olmadan.

Həkimlərin tövsiyəsi ondan ibarətdir ki, uşaqların müalicəsində yalnız elmi əsaslara dayanan və tibb mütəxəssisləri tərəfindən təsdiqlənmiş metodlardan istifadə olunsun.

Səidə