İdeal evliliklərin görünməyən kölgəsi: Səssiz sirrlər

İdeal görünən evliliklərin belə iç dünyasında bəzən sükutla qorunan sirrlər olur. Bir-birini sevən, bir yastığa baş qoyan insanlar niyə bir-birindən nələrisə gizləyir? Bu, xəyanət niyyəti deyil, bəzən qoruma instinkti, bəzən utanc, bəzən isə sadəcə “keçmişdə qalsın” istəyi olur...

1. Keçmiş münasibətlər və yaralar

Ən çox gizlənən mövzulardan biri əvvəlki münasibətlərdir. “Keçmiş keçmişdə qaldı” deyilsə də, bəzən o keçmişin izi hələ də insanın ruhundadır. Keçmişdə yaşanan xəyanət, ayrılıq ağrısı və ya unutmadığı biri – bunlar həyat yoldaşına deyilmir. Çünki birdən incilər, birdən münasibət dəyişər...

2. Ailə sirləri və uşaqlıq travmaları

Bir çox insan ailəsində yaşadığı travmatik hadisələri (məsələn, valideyn zorakılığı, yoxsulluq, psixoloji təzyiq) danışmaqdan çəkinir. Həyat yoldaşı onu zəif, “zədələnmiş” görə bilər deyə bu mövzular toxunulmaz qalır. Amma bu sükut bəzən ruhda dərin yaralara çevrilə bilər.

3. Maliyyə ilə bağlı gizlinlər

Pul... Bəzən ən böyük sirlərin mərkəzindədir. Borclar, kreditlər, itirilmiş sərmayələr, gizli hesablar və ya ailədən gizlədilən qazanc – bu, cütlüklərin arasında etibarı sarsıda biləcək mövzulardandır. Hər kəs paylaşmaq istəmir, çünki utanır və ya qarşı tərəfin gözündə dəyərdən düşməkdən qorxur.

4. Daxili qorxular və azadlıq ehtiyacı

Bəzi insanlar münasibət içində olsa belə, zaman-zaman “azadlıq” istəyir. Bu, ayrılmaq istəyi deyil, sadəcə nəfəs almaq, tək qalmaq, özünə qayıtmaq istəyi olur. Lakin çox zaman bu hisslər günahkar kimi görünməmək üçün gizlədilir.

5. Saxta xoşbəxtlik: Həqiqi hisslərin gizlədilməsi

“Mən yaxşıyam”, “Hər şey yolundadır” – bu cümlələr həmişə doğru deyil. Bəzən tərəflər münasibətdən narazıdır, amma bunu demirlər. Bəzən həyat yoldaşının davranışları, laqeydliyi, soyuqluğu insanı yaralasa da, susurlar. “Deyərəm, bəlkə inciyər” qorxusu ilə illərlə içində saxlayanlar olur.

6. Səssiz xəyanətlər: Emosional bağlar

Fiziki deyil, amma ruhən başqasına bağlanmaq da bir sirrdir. Bəzən bir dost, bəzən bir həmkar insana elə bir anlayış verir ki, orada özünü “tam” hiss edir. Hətta evli insanlar belə, daxildə bu emosional bağın günahkar olduğunu hiss etsə də, bunu etiraf etməz.

Ulusum.az