Şuşa məktəbindən "kriminal" görüntülər - VİDEO

Azərbaycanda şagird məktəbə bıçaqla gedib.

Ulusum.az xəbər verir ki, görüntülər Şuşa rayon Malıbəyli kənd 1 nömrəli tam orta məktəbində lentə alınıb. Məlumata görə, məktəbin idman zalında şagirdlər bıçaqla və müxtəlif kriminal jestlərlə video çəkiliş aparıblar.

Videoda fonda kriminal aləmi təbliğ edən mahnıdan da istifadə edilib.

Qeyd edək ki, son zamanlar təhsil müəssisələrində şagirdlər arasında kriminal aləmə meyillilik halları xeyli artmasıyla bağlı məlumatlar, videolar yayılır. Şagirdlər təhsil almaq əvəzinə cinayət aləminə yönəlir, elm öyrənmək yerinə bu aləmin “qayda-qanunlarına” meyil göstərirlər. Sinif yoldaşlarına qarşı şiddət tətbiq edir, cinayət tərkibli hadisələr törədirlər. Şagirdlərin bir-birini bıçaqlaması, onlar arasında baş verən kütləvi davalar, ciddi xəsarət yetirmə hallarının artması cəmiyyət tərəfindən də böyük narahatçılıq və narazılıqla qarşılanır.

Azərbaycan məktəbinin, xüsusilə Şuşa rayonuna məxsus məktəbdə baş verən bu hadisənin cəmiyyət içərisində böyük rezonans doğuracağı isə şübhəsizdir. Məktəb rəhbərliyinin bu cür diqqətsizliyi təbbi ki, qınaq obyekti olaraq qəbul oluna bilər.


Eltun Məmmədov