Şəkidə Ailədaxili Münaqişə Qətlə Səbəb Oldu: Həyat Yoldaşı Saxlanıldı

2025-ci il iyunun 5-i səhər saatlarında Şəkidə qətl hadisəsi baş verib. Baş vermiş cinayətin üstü açılıb. 34 yaşlı Zəhra Məlik qızı Əliyeva yaşadığı evdə bıçaqla qətlə yetirilib.

Hadisəni törətməkdə şübhəli bilinən şəxs — qadının həyat yoldaşı, 1986-cı il təvəllüdlü Həmid Nazim oğlu Əliyev saxlanılıb. Cinayətdən sonra o, hadisə yerindən qaçıb, lakin polis əməkdaşlarının keçirdiyi əməliyyat-axtarış tədbirləri nəticəsində tapılaraq istintaqa təhvil verilib.

Qətlin ailədaxili münaqişə zəminində baş verdiyi bildirilir. Faktla bağlı cinayət işi başlanıb, istintaq tədbirləri davam etdirilir.

Ulusum.az