İran və Ermənistan arasında yeni anlaşma

İran və Ermənistan gömrükçüləri 3 milyardlıq ticarət haqqında razılıq əldə ediblər.

Mehri gömrüyü tərəfindən ixrac və tranzit daşıyıcıların qəbulunun artırılmasına dair Ermənistan və İranın gömrük rəsmiləri arasında razılıq əldə olunub.

Ulusum.az-ın məlumatına görə, İranın Norduz və Ermənistanın Mehri gömrük postlarının rəhbərləri Mehridə keçirilən görüşdə sərhəd əlaqələrinin inkişafı və asanlaşdırılması, habelə iki ölkə arasında 3 milyard dollarlıq ticarət sazişinin icrası ilə bağlı müzakirə və fikir mübadiləsi aparıblar.

Görüşdə Norduz sərhəd-keçid məntəqəsində ixrac və tranzit malları daşıyan sürücülərin qaldırdıqları problemlərə toxunan Norduz gömrük postunun rəisi Rza Tağızadə, Ermənistan gömrüyü tərəfindən yük avtomobillərinin qəbul sayının artırılmasını vacib hesab edib.

Qeyd edək ki, Şərqi Azərbaycan əyalətində yerləşən Norduz sərhəd postu İran və Ermənistan və Avrasiya İttifaqına üzv dövlətlər arasında yeganə quru sərhəd-keçid mənətəqəsidir və gündəlik buradan 400-dən çox yük maşını keçir. (Nasr News)

Eltun Məmmədov