BDU-nun dəstəyi ilə Qarabağ və Dilbaz atlarının genetik xəritəsi hazırlanır

Azərbaycan üçün böyük strateji önəm daşıyan Qarabağ və Dilbaz milli at cinslərinin genetik xəritəsinin hazırlanması istiqamətində geniş tədqiqatlar başlanıb.

Ulusum.az-ın məlumatına görə, bu önəmli layihə Kənd Təsərrüfatı Nazirliyinin təşəbbüsü ilə Bakı Dövlət Universiteti və BMT-nin Ərzaq və Kənd Təsərrüfatı Təşkilatı (FAO) tərəfindən birgə dəstəklənir. Tədqiqat prosesində Heyvandarlıq Elmi-Tədqiqat İnstitutu, Türkiyə Kənd Təsərrüfatı və Meşəçilik Nazirliyi, eləcə də “Letgen Biotechnology” və “Bayramlı Group” kimi şirkətlər tərəfdaş olaraq iştirak edir.

Layihənin əsas məqsədi Qarabağ və Dilbaz atlarının genetik irsini qorumaq, onların genom struktur və funksiyalarındakı müxtəlifliyi dərindən öyrənmək, həmçinin gələcək seleksiya və damazlıq proqramlarının elmi əsaslarla formalaşmasına zəmin yaratmaqdır.