FT: Çin ABŞ-la ticarətə alternativ tapıb

Çin hakimiyyəti ABŞ-la yaşanan ticarət münaqişəsinin itkilərini kompensasiya etmək üçün Avropa İttifaqı ilə iqtisadi əməkdaşlığı gücləndirməyə çalışır.

“Ulusum”.az xəbər verir ki, bu barədə Financial Times qəzeti Çin Makroiqtisadi Araşdırmalar Akademiyasının baş elmi əməkdaşı Çjan Yənşenə istinadla xəbər verir.

Onun sözlərinə görə, Pekin artıq nümayəndə heyətlərini Stokholm, Budapeşt və Londona göndərib.

“Çin və Avropa üçün hər şeyi yenidən başlamağın vaxtıdır. ABŞ prezidenti Donald Trampın yaratdığı ticarət silkələnməsi bizə ticarət münasibətlərimizi yenidən düşünmək imkanı verir. Çin Avropaya daha çox ixrac etməli, oradan isə daha çox idxal etməlidir,” – deyə Yənşen bildirib.

O həmçinin qeyd edib ki, Çinli istehsalçılar Avropada yeni alıcılar tapmaq üçün fəallıqlarını artırıblar.
Buna baxmayaraq, Avropa şirkətlərinin Çin bazarına məhdud çıxışı və siyasi fikir ayrılıqları Çin-Avropa İttifaqı münasibətlərini çətinləşdirir.