Beynin qan dövranını yaxşılaşdıran pəhriz açıqlandı

Beynəlxalq alimlər qrupu araşdırma zamanı müəyyən edib ki, ketogen pəhriz sağlam insanlarda belə beynin qan dövranını yaxşılaşdırır və neyron sağlamlığı üçün vacib olan BDNF zülalının səviyyəsini artırır.

📌 BDNF (Brain-Derived Neurotrophic Factor) — yaddaş, öyrənmə və neyronların yaşamasını dəstəkləyən zülaldır. Onun azalması Alzheimer xəstəliyi ilə əlaqələndirilir.

🔬 Araşdırma necə aparılıb?

🔹 Yaşı 50–70 arasında olan, artıq çəkili 11 könüllü iştirak edib
🔹 Onlar 3 həftə adi, sonra isə ketogen pəhriz saxlayıblar (75% yağ, 20% zülal, 5% karbohidrat)
🔹 Keto pəhrizi zamanı iştirakçılar ketoz halına keçiblər — yəni enerji üçün keton cisimlərindən istifadə etməyə başlayıblar

📈 Nəticələr:

Beyin qan dövranı 22% artdı

BDNF zülalının səviyyəsi 47% yüksəldi

Alimlər bildirirlər ki, ketonlar beyni təkcə enerji ilə təmin etmir, həm də hüceyrə səviyyəsində müdafiə mexanizmlərini aktivləşdirir.

⚠️ Amma diqqət!

Bu ilk klinik nəticə olsa da, iştirakçı sayı az olduğundan, daha geniş tədqiqatlar tələb olunur. Yenə də nəticələr PET vizuallaşdırması və qan analizləri ilə təsdiqlənib və ümidvericidir.

Ulusum.az